4 сентябр-Рўзи китоб

4 сентябр-Рӯзи китоб  

Дар ситоиши китоб

  4 сентябри соли 2007 Президенти кишвар муҳтарам Эмомалӣ Раҳмон ҳангоми гузоштани хишти аввали бинои нави Муассисаи давлатии «Китобхонаи миллии Тоҷикистон» дар шаҳри Душанбе суханронӣ карда, барои арҷ гузоштан ба ин ганҷинаи бебаҳо ҳамин рӯзро Рӯзи китоб эълон намуда буд. Ҳоло ин даргоҳ бо шукӯҳу шаҳомати хеш дар Осиёи миёна назир надорад. Ташналабони маърифат ташнагиашонро бо дониши аз ин ҷо гирифтаашон мешикананд. Ба ин васила мавқеи китоб дар ҷомеа бештар нуфуз пайдо карда, дӯстдорони он мефзояд.

  Дар китобхонаи марказии ноҳия ба Рӯзи китоб гӯшаи махсус ташкил карда, китобҳои тозанашрро ба намоиш гузоштанд, ки мутолиаи онҳо аз ҷониби хонандагон хеле диданист.

            Оби шавқ аз чашми Саъдӣ меравад бар дастхат,

Лоҷарам чун шеър меояд, сухан тар мешавад.

                                          Саъдии Шерозӣ

Сад хона китоб хондию нест ба ёд,

Бояд, ки китобхона дар сина бувад.

                                           Тошхӯҷа Асирӣ

Сухан ойинапардози китоб аст,

Китоб ойинадори офтоб аст.

Китоб омӯзгори рӯзгор аст,

Рафиқи меҳрубону ғамхор аст.

                                            Муҳтарам Ҳотам

Беҳтарин китоб дастурамали ҳаёт ва дӯсти вафодори ҳар як инсон аст.

                                            А.М. Горкий, нависандаи рус

Ҳар китоберо қисмату насиби худ ҳаст. Китобҳое ҳастанд, ки як рӯз умр мебинанд ва боз китобҳое ҳастанд, ки аз насл ба наслҳо гузашта, умри абад мебинанд.

                                              С.Маршак, адиби рус

Китоб тавонотарин қувваест,ки нисбат ба халқи худ муҳаббат мепарварад, ғояҳои бузург, мақсадҳои олии моро дар роҳи ояндаи саодатманд мунаввар мегардонад.Тарбияи характери матини муборизон, ватандӯсти шуълавар, меҳнаткашони эҷодкор маҳз аз китоб аст.

                                                Ф.В.Гладков, нависандаи рус

Китоб ҳам мисли тифл дар батни модар аз хуни дили эҷодкори худ ғизо меҷӯяд.

                                                 Е. С. Лихтенштейн, китобшиноси рус

 Китоб киштии фикр аст, ки дар рӯйи мавҷҳои замон ҳаракат карда, матои арзишмандро аз насл ба насл мебарад.

                                                   Фрэнсис Бэкон, файласуфи англис

Китоб чароғи сеҳрангезест,ки дар роҳи дарозу душвор ва тоқатфарсои ҳаёти инсон нури ҷонбахш эҳдо мекунад.

                                                   Андрей Мартинович Упит, нависандаи латиш

Шарҳи худро гузор

Ваш e-mail не будет опубликован. Обязательные поля помечены *

*

code